Zeitgeist: Moving Forward, од режисерот Питер Џозеф, е долгометражен документарен филм кој ќе го претстави проблемот за потребната транзиција надвор од постојната социоекономска монетарна парадигма според која се раководи целото светско општество. Темата ги надминува прашањата на културниот релативизам и традиционалната идеологија и ќе се сврти кон суштинските, емпириски и животно втемелени атрибути на човечкиот и општествениот опстанок, извлекувајќи ги непроменливите природни закони во нова одржлива општествена парадигма, наречена “Економија Базирана на Ресурси”.

Во филмот се вклучени експерти од полињата на јавното здравство, антропологија, невробиологија, економика, енергија, технологија, социологија и други битни субјекти поврзани со општествена функционалност култура. Трите централни теми на филмот се Човечкото Однесување, Монетарната Економија, и Применетата Наука.

Во целина, филмот создава модел за разбирање на постојната општествена парадигма; зошто е потребно да се излезе од неа – придружен со нов, радикален, а сепак практичен социјален пристап основан на напредни сфаќања кои можат да ги разрешат постојните социјални проблеми со кои е соочен светот денес.

Премиера: 15 Јануари 2011

Организацијата на настанот е овозможена благодарение на The Zeitgeist Movement – Македонија.

15.01.2011 Премиера во Скопје: Кинотека на Македонија, почеток 19.00ч.

• Претставување на движењето
• Проекција на филмот
• Frescotech забава со Лилит и Autmind во клубот MCM (спроти фонтаната во Градски парк) од 22.30ч

На влез ќе се наплаќа билет по цена од 50,00 мкд – средствата се наменети за покривање на трошоците на Кинотека на Македонија. Македонското Z Движење нема пристап до тие средства. Кинотека ќе го прикаже филмот уште еднаш на 16.01.2011.

15.01.2011 Прикажување на Moving Forward во Прилеп – Сцена 105, Дом на култура Прилеп, почеток 19.00ч. – влезот е бесплатен

Доколку сте заинтересирани подетално за настанот преземето го оригиналниот PDF документ.

Be Sociable, Share!

•